menu menu_open
ADECEC

Bastia : Toni Casalonga spone à a galleria Noir et Blanc

Sin’à u primu di ferraghju, Tony Casalonga spone 92 opere à a galleria Noir et blanc, piazza à u mercà, in Bastia. St’artistu isulanu, persunalità di u Riacquistu, hè pittore, scultore, scenugraffu è impegnatu in u so paese di Pigna in particulare cum’è presidente di l’associu Voce direttu da u so figliolu Jérôme. Quasi tutta a so opera hè sposta in sta galleria. Una vera retruspettiva di u so travagliu chì si fonda nant’à u bellissimu libru “Toni Casalonga, l’opera incisa : gravures 1960-2019” publicatu in u 2020 à l’edizione “Presses universitaires de Corse”. Secondu Zelda Colonna, impiegata à a Galleria, “Toni hà un stile particulare, chì si ricunnosce subitu è, à tempu, ogni intagliu ci stona per via chì l’artistu piglia parechje direzzione. A so opera hè classica è à tempu assai originale.”