menu menu_open
ADECEC

I Fochi Paoli in Merusaglia u 21 di maghju

Sabbatu u 21 di maghju, a piazza di u cunventu di Merusaglia hà da accoglie à tutte è à tutti ingiru à un fucarone rializatu pè rammentà a ghjunta di e cendere di u Babbu di a Patria in paese.      

U PRUGRAMMA 

2 ore è mezu : Messa celebrata in chjesa San Francescu cantata da u gruppu Madrigale di San Damianu, cù a participazione di parechje cunfraterne.

Da 3 ore è mezu à 7 ore: cuncerti cù l’Archetti Bastiacci, l’Eredi, Orizonte, A Cispra, E Voci di a Gravona, è Hubert Tempête.

Ballu è quadrigliu cù l’associu A Ceppa. Ricustituzione storica cù I Naziunali è dipositu di fasciu di fiori davant’à a statua di Pasquale Paoli. Dopu, mumentu di meditazione religiosa è lettura d’una puesia nant’à a tomba di Prete Mondoloni.

8 ore è mezu : Focu à e ceppe, veghja è pranzu. Ci sera da beie è da manghjà, ognunu porta un buccone, o un pezzu di legnu ! 9 ore è mezu : Cuncertu cù I Chjami Aghjalesi. Chjami è rispondi, un ballu. Una bella stonda di spartera, di scambii è d’amicizia.