U Retame Canopé di l’Accademia di Cismonte presenta a mostra « Aiò à bordu di a Galeotta », in cullaburazione cù u Museu di Bastia è a Cullettività di Corsica. Cù stu prugettu « Aiò à bordu di a Galeotta » Canopé hà vulsutu mette in risaltu u libru di Bernard Cesari è i disegni di l'illustradore Dominic Groebner pè infurmà u publicu nant'à u chébec, anzianu battellu à trè maghji di u Mediterraniu in u so cuntestu storicu. A mostra, ind'a prigiò di u museu di Bastia, cuntene 11 pannelli è s'inserisce bè in a spusizione « Mare Furioso – Pirati è Cursari in Mediterraniu » da vede sin'à u 17 di dicembre. U libru A Galeotta hè statu publicatu in u 2021 da Canopé.

L’autore, Bernard Cesari, ci conta un passu di vita di giovani corsi ingagiati nant'à u Galeotta, battellu amirale di a flotta di Pasquale Paoli. In u racontu, sò evucati sfarenti aspetti di a vita di tandu : l'imbusche pulitiche è militare in u giovanu Statu corsu, a marina, e risorse ecunomiche...  Tutti i stabilimenti sculari di a Corsica anu ricevutu u libru in u quadru di u prugramma edituriale 2022 di u Retame Canopé di Corsica.