Corsu
Francese
Da u luni à u venneri, à 6 ore di sera, una squadra accoglie in u so paese a caravana di "A Castagna" è ghjoca contr'à un'altra squadra chì Paulu Antò Squarcini riceve nant'à un tavulaghju virtuale. E duie squadre rivalizeghjanu ind'una bella ambienza durante ghjustre induve s'ampara nant'à a Corsica è u mondu. E parte di l'emissione si chjamanu: A Pulenta, A Pistera, Ricciu o Macagna, Induvina Capu è Basta à Ghjucà. Certe permettenu di vince punti, altre di perdenne. Ogni tantu, i punti persi sò rigalati à l'altra squadra. A nuvità di stu ghjocu hè u dispusitivu di rializazione chì, pè a prima volta in Corsica, si tramuta versu i candidati cù una caravana chì và in e cità è paesi. L'altri candidati ghjocanu nant'à u grande tavulaghju d'Aiacciu cù minichere chì traversanu u decoru.