U cuncorsu di nuvelle 2023 Alleghjaci prupone à i passiunati di scrittura, lettori, sunnioni o curiosi di truvà l’ispirazione nant’à u tema : “U capu à mezu à e stelle” in lingua corsa è francese. Un cuncorsu pè l’adulti è i giovani di menu di 18 anni. 6 nuvelle seranu ricumpensate. 4 riceveranu u Premiu di a ghjuria presidatu da Alain di Meglio, vicipresidente di l’Università di Corsica è a scrittrice Dominique Memmi. L’altri membri sò Jean-Charles Papi, artistu è prufessore di litteratura, Anna Milani, scrittrice in residenza, Guillaume Chouteau, Léa Morini, Katia Seus-Walker è Paula Bussi, chì anu vintu u cuncorsu in u 2022, Stella Emmanuelli è Francesca Poli, u cuncorsu 2021, Marie Guerini, membra di u cumitatu edituriale di u festivale.
2 nuvelle riceveranu u Premiu di e lettore di e bibliuteche di Bunifaziu, Pruprià, Petretu Bicchisgià, Purtivechju è Olmetu induve e nuvelle finaliste seranu dispunibule trà u 12 è u 29 di ghjugnu. Pè participà, mandate i vostri scritti à concours@altaleghje.com nanz’à u 31 di maghju. Avete 6000 segni pè cunvince a ghjuria. Di più infurmazione nant’à u cuncorsu à l’indirizzu www.altaleghje.com/le-concours-2/.