Corsu
Francese
“L’orcu di u capu tondu” hè u secondu libru di François Canava. Hè a so figliulina Lucia Spinosi chì hà fattu l’illustrazione cù Paulina Bajer à l’edizione U Svegliu Calvese. Ghjè a storia d’un giovanu gigante chì u capu spunta sopr’à a muntagna. Hè curiosu di u mondu ingiru à ellu ma spaventa a ghjente. Cuntrariatu è cuntritu, cercherà aldilà di i mari un locu chì pò accoglielu megliu. A storia si passa in Galeria è si fonda nant’à a tupunimia. Evucheghja dinù persunagi chì si ne sò andati à l’altru mondu o allora sempre vivi. Ghjè una fola per i zitelli senza messagiu particulare. Un lessicu hè presente dinù pè chjarificà qualchì parolla. François Canava hà scrittu stu libru per via chì u corsu hè a so lingua materna, l’hà parlata nanz’à u francese. Vole ch’ella sia ricunnisciuta, parlata è letta per ella stessu.