Corsu
Francese
Amparemu cù assai tristezza a morte di u scrittore Guidu Benigni, 91 annu. Avia ricevutu u premiu di u libru corsu pè "Amadeu u Turcu", à l’edizione Albiana in u 2002, u premiu di i lettori di Corsica in u 2013 pè "L’Affreschi di a Santa Trinità", un rumanzu storicu. Era dinù parullaghju pè I Muvrini è Diana di l’Alba, membru fidele di l’Adecec, passiunatu di vocabulariu anzittuttu nant’à u cavallu è scultore. Aghjusteremu issu bellu umagiu di Ghjuvan Petru Ristori : Un omone oghjincu si ne và versu a pianetta Puesia ! U nostru amicu scrittore, pueta è omu di grand'umanità, Guidu Benigni ci si lascia. Senza dubbiu alcunu a so' stella, da quassù, ùn stancerà di facci cennu. I nostri cummossi è fraterni sintimi l'accumpagnanu..... Scialatila O Caru di Noi !