Iniziati in u 1993, I scontri “BD in Bastia”, creati da u centru culturale Una Volta, festighjeghjanu a so trentesima edizione da u 30 di marzu à u 2 d’aprile. Tutti l’anni, quattru ghjorni sò cunsacrati à disegnadori ch’elli sianu nuvelli, famosi o cunfirmati. A nuturietà d’issa manifestazione franca e fruntiere di l’isula, sin’à a Francia è ancu in Europa. I scontri anu creatu quasi 300 mostre originale, invitatu più di 18 paesi è ricevutu più di 500 autori. St’ultimi è a creazione sò in core di a manifestazione in un quadru di cunvivialità, pè un scontru trà l’autori è u publicu è artisti trà di elli. Di regula, una trentina d’autori sò invitati ogni volta. E mostre sò numerose (12 à 15 à ogni edizione). E ripruduzzione di tavule o d’illustrazione sò di prima trinca è avemu parechji originali.

E mostre sò sposte à u centru Una Volta, ma dinù à u museu, in e mediateche, à a galleria “Noir et Blanc”. L’autori invitati intervenenu sopr’à locu durante l’evenimentu, sia pè scuntrà u publicu, sia vicin’à i sculari pè scuntralli o in attellu.  L’elevi sò assai numerosi, da a scola materna à l’università. Ogni annu ci n’hè da 3 500 à 4 000 pè visite cummentate cù l’autori o mediatori, attelli, prughjezzione, spettaculi. Durante u festivale, ùn ci hè nisuna dedica. I tempi di scontri cù u publicu sò organisati cù discussione è vendita di i libri di l’autori invitati. Di più infurmazione nant’à u situ una-volta.com