Sta seria conta in dece episodii a grande è a piccula storia di e casate. Serà diffusata prussimamente nant’à Via Stella, è pè a prima volta in stu mumentu à u festivale Cine Donne. Anne-Marie Vignon, di u paese di Quasquara, hè passiunata da u sugettu. Hà capitu chì u patrimoniu patronimicu corsu era assai riccu. A tempu sta seria permette di falla finita cù certe credenze false nant’à e casate. L’antroponimia, u studiu di i nomi propii, permette dinù di vede l’evuluzione geograffica d’una regione à parte da e casate. Cù Daniel Meyers, anu identificatu categurie di casate. Si situeghjanu in leia cù un’epuca, l’attività d’impiaghjera o di muntagnera, e partenze di l’isula, o a ghjunta di a manu d’opera taliana. I nomi propii sò à principiu nomi cumuni di cugnomi, di lochi... I travaglii di l’universitarii Stella Retali-Medori è Francescu Maria Luneschi, autore d’una tesa nant’à u vucabulariu pecurinu è caprunu, l’archivii naziunali anu cumpletatu a ricerca fatta da a squadra di “Mi chjamu”.