Corsu
Francese
S’ampara cù tristezza a morte di Max Simeoni à 94 anni. A Corsica perde una persunalità di u naziunalismu corsu. Cù u so fratellu Edimondu, tramindui duttori, sò stati attori principali di a spuntera di u muvimentu naziunalistu. Max Simeoni hà participatu à a creazione di u CEDIC, cumitatu di difesa di a Corsica. Hà creatu l’ARC, Azzione Regiunalista Corsa diventata dopu Azzione pè a Rinascita di a Corsica, hà participatu à tutti i cumbatti da l’Argentella à e fanghe rosse, Aleria è Bastelica. Hè statu elettu territuriale è deputatu europeu. Hà fundatu dinù l’UPC, Unione di u Populu Corsu, in u 77 è era sempre editurialistu di u giurnale Arritti ch’ellu avia cuntribuitu à creà.