U festivale di u filmu di e culture mediterranie in Bastia hè u più anzianu di Corsica. Natu in u 1982 durante u Riacquistu, st’evenimentu hà sappiutu tesse e leie trà a cultura corsa è e culture mediterranie. Tutti l’anni, rimette u premiu Ulysse, attribuitu à un primu rumanzu è à un’opera sana. A cumpetizione di u filmu, appuntamentu di l’innamurati di u cinema, si face cù 7 filmi chì rispechjanu ognunu a so sucetà induve trovanu l’ispirazione. Ghjè u veru core di u festivale trà intusiasmu di i publichi è speranze di i rialisadori.

Avemu dinù filmi in surtita preliminare chì feranu l’attualità l’annu prossimu, a cumpetizione di u filmu corsu cù u so premiu di finzione è quellu di documentariu, a cumpetizione di u filmu di scole di cinema mediterranie. Hà avutu assai successu cù a participazione di numerose scole è di rialisadori ghjunti à presentà i so filmi. Un generu road-movie hè u filu cunduttore di Arte Mare. Inteveneranu specialisti di stu generu cum’è Christophe Bourseiller, Belinda Cannone, Tony Gatlif… Arte mare hè dinù un evenimentu micca solu cinematugraficu postu chì altre discipline sò à u prugramma : appuntamenti gastrunomichi, linguistichi è musicali, accumpagnati da dibattiti è mostre.

Di più infurmazione : https://www.arte-mare.corsica/