Un prugettu natu in Pigna dopu una deliberazione di l’Assemblea di a Ghjuventù aduttata da a CDC. Sta pratica puetica, cusì pupulare, si perdia ma hà ripigliatu fiatu durante un 21u seculu induve e giovane generazione facenu rinvivì e tradizione. Un prugettu di ricunniscenza chì abbisogna un travagliu di terrenu pè truvà una definizione di st’arte chì cunvene à tutti, l’impruvisadori è u so publicu. Ci vole dinù à esse assai precisu pè presentà u cartulare di u chjam’è rispondi à quelli chì ùn u cunnoscenu micca. Sta ricunniscenza permetterà d’ottene un altru sguardu à a sta tradizione, di falla entre in scola. Ghjè cusì un mezu di spannamentu pè l’elevi amparendu u corsu. Oghje ghjornu, u cartulare hè ricunnisciutu da u ministeru di a Cultura. Una prima tappa forse nanz’à l’iscrizzione à l’UNESCO chì puderebbe cuncernà dinù u percorsu d’impiaghjera o di muntagnera di i pastori.