Corsu
Francese
Secretariu generale di l'ADECEC durante parechji anni, era passiunatu di Cervioni, di a lingua è di u patrimoniu nustrali à fiancu à u presidente fundatore Anton Dumenicu Monti. Hè statu dinù presidente di u cumitatu di e feste di Cervioni, istitutore à a scola primaria primurosu di i so elevi chì pensanu oghje à u so maestru ricunnisciutu pè a dulcezza di u so insignamentu. Cù a so sposa Madeleine, anu allevatu trè figliole chì li anu datu quattru figliulini è dopu sò nati cinque arcifigliulini. Dapoi qualchì annu, Michel Bellagamba stava in Bastia, vicin'à a so famiglia. E so esequie sò state celebrate sabbatu u 27 di ghjennaghju à 2 ore è mezu ind'a cappella Santa Croce di Cervioni.