Sta nova edizione, sempre nant’à u tema “a testa trà e stelle”, prupone à i passiunati di scrittura, lettori assidui, sunnioni o curiosi di fà travaglià a so imaginazione cù a redazzione d’una nuvella. Un cuncorsu pè l’adulti è i giovani di menu di 18 anni in lingua corsa è francese. Sei nuvelle seranu ricumpensate. U cuncorsu attribuiscerà u premiu cù e mediateche è bibliuteche di Bunifaziu, Prupià, Petretu Bicchisgià, Olmetu è Purtivechju. Alain Di Meglio serà un’altra volta u presidente di a ghjuria induve truveremu u scrittore Louis-Philippe Dalembert, Marie-Ange Despras, Norbert Paganelli, Sylvain Guerin, Pierre Decortes.

I premiati riceveranu un bonu di 100 euri valevule à a libreria La Marge d’Aiacciu. Seranu invitati à u festivale Altaleghje di u 20 di lugliu pè assiste à a lettura di u so testu da a cumediante Céline Vincent cù paruzione in e riviste Alta Voce o Bonanova. I testi devenu esse mandati nanz’à u 31 di maghju à concoursaltaleghje@gmail.com. Rinsignamenti : 06 11 20 23 51. Regulamentu : altaleghje.com