menu menu_open
ADECEC

Raid Oxy'Jeunes aventure : iscrizzione sin'à u 30 d'aprile

Sta manifestazione spurtiva, organisata da a CDC, rivene cù e so discipline spurtive :  : trail, corsa d’orientazione, VTT… I participanti sò allughjati, scunfiniti cù un inquadramentu prufessiunale. Quist’annu, serà organisatu di ghjugnu in u centru di Corsica.

U Raid Oxy'Jeunes aventure hà una rinomina naziunale. A spertizia di a CDC à prò di a creazione, l’organizazione è u sbucinamentu di u raid hè stata rimarcata da a Federazione di i Raids Multisport di Natura. U cartulare d’iscrizzione deve cuntene u bigliettinu d’iscrizzione cumpletatu, un sceccu di cauzione di 60 euri libellatu à COLLECTIVITE DE CORSE pè guarantì l’impegnu di a squadra à participà. Quandu a participazione hè cunfirmata, u sceccu serà stracciatu. • ci vole dinù un ritrattu o una video di presentazione di a squadra • Pè ogni participante, l’autorizazione parentale chì cuntene u dirittu di diffusione di e fiure di i zitelli è l’attestazione pè nutà 50m • A fotocopia di a carta vitale è di l’attestazione di diritti di securità suciale. • a schedula sanitaria cuntenendu u certificatu medicale, cumpletata da u medicu curante. 

Pè guarantì a securità di a cumpetizione è un accumpagnamentu di qualità, i participanti seranu inquadrati da una squadra tennica cù persunali medicali, diplumati, di lugistica. L’iscrizzione sin’à u 30 d’aprile hè di rigalu pè i giovani trà 14 è 17 anni nant’à https://www.isula.corsica/raidoxyjeunes