Serà inaugurata marti u 9 d’aprile à 4 ore, è hè aperta da u 10 d’aprile sin’à u 15 di ghjugnu da 10 ore à 6 ore.

Induve principia un’isula ? Sì a risposta hè faciule in giugrafia, dunque una terra circundata d’acqua, a quistione si cumplicheghja à livellu culturale, puliticu, ghjuridicu è eculogicu. Un’isula hè un locu induve si mischjanu identità è s’aghjustanu lege chì influenzeghjanu a gestione di e so risorse è di e so rilazione cù u fora. Formanu à tempu un ecosistemu unicu. 

Cù sta mostra, Jordi Colomer prulungheghja a so inchiesta antrupulogica è puetica nant’à ciò chì leia e persone è ciò chì custituisce una cumunità. L’artistu presenta temi di l’urbanismu o e cundizione materiale è intellettuale di l’esistenza umana, l’utopia dinù ch’hà un rolu centrale per via chì hè capace à articulà e rilazione trà u mondu cum’ellu hè cù e so uppusizione trà e forze è u mondu cum’ellu hè pensatu, cù e nostre brame, dubiti è fragilità. Jordi Colomer s’interessa dinù à a manera di vede a Corsica ch’elli anu i strangeri à u 19u seculu. 

Jordi Colomer hè un artistu catalanu natu in Barcellona u 23 di ferraghju di u  1962. A so opera hè fundata nant’à a scultura, l'architettura, a perfurmenza, u ritrattu, a video, u cinema è u teatru.