U situ prestoricu di Cuccuruzzu hè di prima trinca. Invita à spassighjà nant’à i chjassi di l’aventura umana isulana. A u prugramma, scuperta archeologica, arte è vita d’ogni ghjornu à quelli tempi. Chì maestà è chì affascinamentu ! Pè scopre u misteru è viaghjà in core di a storia, ci vole à impregnassi di i lochi. Usservà, annasà l’aria di i tempi antichi chì esiste sempre è imaginà e tracce lasciate da donne è omi di l’Età di u Bronzu. Dopu, ci vole à stà à sente l’archeologhi isulani chì, dapoi decennie, anu scupertu l’artefatti, descrittu i modi di vita, l’arte è a manera di pruduce, e rilazione ufficiale… Sò e migliore guide. Lasciassi purtà, esse curiosu, amparà infurmazione, eccu u prugramma d’incantu di stu libru pè quellu chì brama di scopre in modu originale u casteddu di Cuccuruzzu, stu situ maestru di a Prestoria corsa.

St’opera ùn hè micca solu una testimunianza di u passatu ma dinù un’ispirazione pè e generazione future. Più di 4000 anni fà, omi è donne anu sceltu stu locu incantevule pè campacci in u quercetu di u pianu di Livia. U libru conta a vita di l’abitanti di l’Alta Rocca. St’artigiani, allevadori, guerrieri, agricultori chì anu fattu l’identità di sta regione. Ghjè a prima parte d’una cullezzione preziosa d’infurmazione pè i curiosi, i prufessiunali, i passiunati. Leghjendu ste pagine, scuprerete micca solu l’anima di u Cuccuruzzuu ma dinù di l’Alta Rocca, sta terra ricca di tradizione è di sapè fà.