U 6 d’aprile prossimu, a Corsica hà da celebrà i 300 anni di a nascita di u Babbu di a Patria. Cusì, Corse-Matin vi prupone di ritruvallu ogni 6 di u mese. Da a so nascita in Merusaglia à u so esiliu à Napuli, seranu presentate e grande fase di a so vita chì anu marcatu a storia di a Corsica. Esistenu dinù stonde scunnisciute, secreti, grandi misteri. Sapiate per esempiu ch’ellu era amatore di musica, di cure termale ? In Inghilterra, frequentava l’alta sucetà è parechji artisti. U Corse-Matin s’interesserà dinù à u ricordu ch’ellu hà lasciatu à i Stati Uniti, à a Giustificazione della rivoluzione di Corsica chì ùn hè micca solu un documentu contr’à Genuva ma a so dimarchja cumpleta era ogni tantu luntana da l’ideali di Paoli. Si saperà dinù frà altru perchè ùn s’hè mai maritatu, chì ghjera a so rilazione cù l’artista pittrice Maria Cosway ? Stu viaghju principia cù a so mamma Dionisia Valentini chì sparisce di colpu da i scritti quandu u so figliolu era sempre assai giovanu. Ghjè unu di i misteri di a vita di Pasquale Paoli.