In core di a conca occidentale di u Mediterraniu, a Corsica è a Sardegna eranu l’imbusca di parechje rivalità ecunomiche è pulitiche pè u cuntrollu di u mare in l’ultimi seculi di u medievu. E duie isule, addunite in u 1297 in un novu reame teoricu sottumessu à u rè Ghjacumu II d'Aragone da u papa Bonifaziu VIII, eranu frà i lochi induve genuvesi è catalani si cumbattianu. Stu novu libru di Vannina Marchi Van Cauwelaert conta e riprisentazione, l’ambizione pulitiche, i sistemi ecunomichi è i prugetti di guvernu chì si scuntronu, s’opponianu è chì si cruciavanu in e duie isule durante sta guerra.

Maestra di cunferenze in storia medievale à l’università di Corsica, direttrice aghjunta di u laburatoriu CNRS Lochi Identità Spazii Attività, Vannina Marchi van Cauwelaert hà scrittu parechji libri nant’à a Corsica medievale (Rinuccio della Rocca. Vie et mort d’un seigneur corse à l’époque de la construction de l’Etat moderne, Aiacciu, Colonna, 2005; La Corse génoise Saint Georges, vainqueur des « Tyrans », Parigi, Classiques Garnier, 2011) è numerosi articuli scientifichi. Oghje ghjornu, diirige cù Jean-André Cancellieri, u prugramma di ricerca nant’à i spazii di a Corsica medievale cofinanzatu da a Cullettività di Corsica è u Fondu Europeu di Sviluppu Regiunale.