L’associu Altaleghje, organisadore di u festivale”Leghje u mondu”, hà creatu à u veranu 2024 un novu prugettu culturale in cullaburazione cù a cumuna di Sarra di Scupamena, nant’à u raportu di l’omu cù u vivu è a natura. L’ogettivu hè di dà a voglia d’amparà è e chjave pè agì di fronte à l’urgenza in leia cù u cambiamentu climaticu. U prossimu scontru serà sabbatu u 25 è dumenica u 26 di ghjennaghju nant’à u tema “Campà cù l’animali : l’allevu in quistione”. Un sugettu ind’un territoriu induve a machja cresce sempre di più, induve l’allevadori sò sempre di menu numerosi è chì cercanu sempre un mudellu pè prusegue a so attività, induve e fruntiere trà salvaticu è manse sò pocu chjare per via di l’evuluzione di a machja è di l’allevi. A ghjurnata principia una riflessione è serà animata da Geneviève Michon, etnobutanista, cù Jocelyne Porcher, sociologa di l’allevu, direttrice di ricerche à l’istitutu naziunale di ricerca pè l’agricultura, l’alimentazione è l’ambiente.E ricerche si facenu nant’à u sensu è a natura di e leie trà l’umani è l’animali d’allevu, nant’à u “travagliu” è a piazza di a morte di l’animali in allevu. Si sprimeranu dinù Jean-Michel Sorba, sociologu à l’antenna di l’INRAE di Corsica, nant’à a situazione di l’allevu in Corsica è Amandine Giovannangeli, giovana capraghja stallata in Alta Rocca. D’altrò, a prughjezzione di u filmu inglese “Cow” d’Andrea Arnold incuragiscerà u publicu à fighjà altrimente e vacche, à interessassi à elle.

Sabbatu u 25 di ghjennaghju

9 ore è mezu : spassighjata pè scopre i lochi d’allevu ingiru à Serra di Scupamena cù letture di Céline Vincent

Un’ora : spuntinu

3 ore : cunferenza-dibattitu nant’à Campà cù l’animali : l’allevu capunanzu, l’allevu sempre.

5 ore è mezu : prughjezzione di u filmu “Cow”

Dumenica u 26 à u spaziu coworking di Serra Scupamena : da dece ore à un’ora : attellu d’amparera di a tennica di u cyanotype. L’attellu hè animatu da Francesca Lantieri. Entrata di rigalu. Infurmazione nant’à altaleghje.com