A scumessa d’un festivale balaninu in cor d'invernu hè riesciuta dapoi oramai cinque stagione. Quist’annu, avemu quattru cuncerti cù i gruppi I Maistrelli, Quintina, Una fiara nova è Tarraniu chì canteranu à u spaziu Edmond Simeoni di Lumiu. U spiritu d’Invernale, sò e musiche tradiziunale, e musiche di u mondu, quelle di i populi chì anu qualcosa à dì cù gruppi venendu dinù fora di Corsica. Quist’annu, a prugrammazione hè 100% corsa. Fora di i cuncerti, sò previsti dui stazii diretti da famosi artisti nant’à l’arte di a pulifunia corsa è a cetera corsa. Sò organisati in a casa San Michele di Calinzana. U primu hè orchestratu da Jean-Luc Geronimi, Ceccè Acquaviva, Stéphane Serra, Jean Sicurani, Jean-Marc Fabrizy è u secondu da Henri Agnel. 

Cusì, luntanu da u rimusciu di statina, Invernale invita à un viaghju musicale unicu cù sfarenti orizonti musicali. Un evenimentu rinfurzendu a leia trà l’abitanti è l’artisti in u filu di e stagione.

U prugramma, cuncerti à 8 ore

Venneri u 14 : I Maistrelli

U 15 : Quintina è Una fiara nova

U 16 : ghjurnata di stazii nant’à e pulifunie corse

U 20 : Tarraniu

Da u 18 à u 22 : u staziu di cetera

Infurmazione è riservazione : https://rencontresdecalenzana.fr/