https://www.isula.corsica/Prugramma_a5271.html 

A Cullettività di Corsica hà da prupona, longu à l’annata 2025, un prugramma riccu è variu !
Mostre, cunfarenze, ristori patrimuniali, scontri è diffusioni scientifichi imprimaranu un rìtimu affirmatu, cù anzituttu un numaru impurtenti d’azzioni in u duminiu di u patrimoniu.

In u quadru di e so cumpetenze, a Cullettività di Corsica prupunerà per esempiu :

• A numerisazione è a messa à dispusizione di u fondu Pasquale Paoli,

• Duie mostre à u Museu Pasquale Paoli di Merusaglia nant'à a furmazione intellettuale in Napuli è l’azzione pulitica di Paoli, toccu u principiu di u mese d'aprile,

•  L’ingrandimentu di a Strada Paolina, itinerariu fattu d'arreghji storichi riabilitati è spiecati in Corti, Boziu è Niolu. In stu quadru, una mostra fotografica itinerante in leia cù a Strada Paolina, accumpagnata d’un libracciolu, serà nant'à e strade corse,

• A presentazione di a pittura "Benbridge",

• Un giru speciale di u Muséobus pè i chjuchi è i maiò,

• A finalisazione di i travaglii di u Cunventu di A Meruaglia è u principiu di a prima fasa di sicurisazione di u Cunventu d’Orezza,

• A rialisazione d’un documentariu rammentendu a vita di Pasquale Paoli...

• L'edizione d'un libru d'arte da Albiana nant'à a giuventù è l'insignaementu ricevutu da u giovanu Pasquale
  
  
• Fora di u campu patrimuniale, i stabilimenti culturali di a nostra cullettivà presenteranu un prugramma in leia cù i quistiunamenti attuali ch'elli ponenu i valori paolini : da u FRAC à u Centru d’Arte Pulifonicu, da a cinemateca à e mediateche, ogni serviziu participerà à sta cumemurazione. I nostri partenarii, l’Università di Corsica, l’accademia di Corsica, cità è paesi, associ è citadini, s’impegnanu dighjà pà fà di l’annata 2025 un’annata di prughjetti è di rializazioni ! Ni truvereti quì u prugramma attualizatu.