Durante dui ghjorni, capicucinari, pruduttori è artigiani si ritruveranu in u quartieru pisanu pè mette in risaltu i savori isulani in u primu festivale Festibocca in u filu d’Art’è Gustu. Pè rinfurzà a leia cù u publicu, u spaziu “Da campà” presenterà animazione à u publicu a ghjurnata sana cù cumpetizione trà capicucinari corsi è cuntinentali, cunferenza pè una riflessione nant’à e putenzialità di i prudutti trà Corsica è Savoia. 

L’evenimentu, presidatu da u maestru pastizzeru è Pierre Hermé è sustenutu da u capucuinaru trè volte stellatu Marc Veyrat, v’aspetta dunque pè demustrazione in direttu, masterclasses è tastature. Frà l’invitati, Danny Khezzar è Hugo Riboulet, i finalisti di l’emissione Top Chef, u capu cucinaru è autore gastrunomicu talianu Denny Imbroisi o i capi pastizzeri Vincent Guerlais, Sébastien Bouillet è Nicolas Paciello. Edoardo Menna, capu esecutivu di u risturante bunifazincu Finestra, stellatu à a Guida Michelin. D’altrò, i prudutti corsi (casgi, robba purcina, vini, biscotti) seranu riprisentati in u spaziu 'Da cumprà'. Ci hè dinù u spaziu di risturazione 'Da manghjà' pè tastà e specialità isulane. Infine, pè prulungà e festività, a serata di sabbatu serà animata da i cuncerti di Barbara Cardone è di u gruppu Etern'isula.