Aiacciu festighjeghja u santu nant’à u portu Tino Rossi. Quist’annu da u 28 di maghju à u 6 di ghjugnu. In più di a festa religiosa, seranu dece ghjorni cunsacrati à u mare, à a scuperta, à l’educazione à l’ambiente. Sò previste ghjustre, demustrazione in mare, mostre, attelli, dibattiti nant’à a pesca, l’ambiente, u mare di dumane, prughjezzione inedite nant’à l’archeolugia sottumarina, cuncerti cù artisti corsi è d’altrò… Si puderà manghjà pranzi di piscadori cum’è l’aziminu, e seppie à l’aiaccina, i mosculi cù i pomi fritti, a paella… Luni u 2 di ghjugnu pè a ghjurnata di a Sant’Eramu : à 10 ore è mezu : falata di u Santu nant’à u portu Tino Rossi, 5 ore : messa in chjesa Sant’Eramu, prucessiò sin’à u portu è benedizzione in mare. 7 ore : apperitivu rigalatu da i I Pescadori in Festa è Pescadori Aiaccini. A parte da 8 ore : Cuncertu cù Scola di Cantu di Natale Luciani.

U prugramma sanu : https://www.ajaccio-tourisme.com/