L’associu Aleria 75 s’impegna dapoi u 2014 pè cummemurà l'Evenimenti. U 22 d’aostu 2025, i so rispunsevuli volenu urganizà un umagiu à u livellu di ciò ch’elli sò stati. S’impegna pè a realisazione d’un prugettu memuriale è didàtticu da pudè tramandà à tutti, è pè u più à a giuventù, a stòria di u nostru paese.

Ci pudete partecipà, è site ancu chjamati à sustene. ùn vi la piattanu micca :  Ci hè bisognu di soldi, è l’associu Aleria 75 hà lampatu una chjama à u pòpulu, da chì ssu prugettu « sìa d’unità, senza culore, ch’ellu sìa quellu di u pòpulu corsu ».

Soldi ma micca solu sè vo avete documenti, ogetti, fottò di st’èpica, scrivite à l’associu Aleria 75 (indirizzu quì sottu).

U presidente di l’associu, Alanu Peraldi, u tesurieru, Bernardu Pantalacci, è u secretariu, Andrìa di Scala, vi chjàmanu à porghje u vostru sustegnu, mandendu :

– un sceccu à : Aleria 75, route de l’Étang de Diana, BP 1, 20270 Aleria.

– un trasferimentu bancariu : IBAN FR76 1131 5000 0108 0319 8668 375

Pudete dinù pacà in lìnea cù u QR còdice. •https://arritti.corsica/i-50-anni-daleria-partecipate-a-ssa-memoria