L’associu A leva organiseghja sta festa pè mantene e tradizione è sapè fà nant’à i mistieri di u legnu è di a furesta. U so puntellu fundatore hè Dominique Fratani, anzianu bancalaru è prufessore di legnameria, partutu à l’altru mondu di maghju scorsu. Si passa in core di Vezzani è in a furesta di Padula. Un picculu trenu permette d’andà da un locu à l’altru. Ghjè un evenimentu chì addunisce prufessiunali di a filiera di u legnu, artigiani lucali, attelli, cunferenze è tant’altre surpese. Sò previste demustrazione di sculture in legnu, cuncorsi di legnaghjoli, mostre d’artigiani lucali, animazione per i zitelli, un cuncertu cù u gruppu Petra Saetta sabbatu sera. Entrata : dui euri, di rigalu per i zitelli.

A festa hè labellisata FFRAAC, federazione di e fiere rurale agricule è artigianale di Corsica. Ciò chì permette d’accertà chì un locu di residenza di i spunenti hè a Corsica, e chì e materie aduprate sò corse quant’ellu si pò. I panconi sò dinù cuntrullati. A festa di Vezzani permette di ciuttà in u passatu è u travagliu di l’anziani ma dinù di fighjà l’avvene di a furesta corsa grazia à cunferenze cù persunalità scientifiche. L’occasione di mette in risaltu è pussibilità di u legnu corsu è i prugetti rialisati pocu fà cum’è i bastimenti publichi fatti cù u larice.