Corsu
Francese
In sti tempi di cumemurazione di a nascita di Pasquale Paoli, u paese d’Alandu scumbatte pè salvà u so cunventu, locu storicu. Supranendu a valle di u Boziu dapoi u 1623, classificatu à i Monumenti storichi in u 1995, u cunventu San Francescu d'Alandu hè statu un locu d’affruntamentu decisivu trà Pasquale Paoli è u so nemicu Emmanuele Matra, tombu sopr’à locu da i paolisti. Oghje ghjornu, ci hè bisognu di salvà stu locu di memoria chì si ne và à u sprufondu. Custì, a cumuna vole creà un spaziu culturale è di case pè luttà contr’à a desertificazione. U prugettu abbisogna 3.600.000 euri è ci hè una sottuscrizzione nant’à internet cù a Fundazione di u Patrimoniu. L’ogettivu hè di raccoglie 100 000 euri pè a cumuna nant’à www.fondation-patrimoine.org