Festi Arte hè un novu festivale maestru di Bunifaziu, à prò di a celebrazione di tutte e forme d’arti è pè fà dialugà i patrimonii corsi è l’influenze venute da u mondu sanu. A u prugramma, una serata di musica mediterrania cù una quindecina d’artisti di Corsica è d’altrò sott’à un capitellu in l’alta cità. U cuncertu “Musicà u mondu” serà direttu da Laetitia Himo cù canti corsi, fado portughese, armunie taliane, jazz ukranianu, meludie israeliane è creazione cuntempuranee.

A u prugramma, Jean-Charles Papi, Elisa Tramoni, a canterina taliana Sara Rotuno è u so pianistu, a portughese Carina Mateus, a viulunista israeliana Hila Ben David è Hadar Atsmoni Meiry. Infine, u pianistu franco-ukranianu Dimitri Naïditch pè una serata di prima trinca. Dunque, un veru viaghju musicale pè i passiunati è i curiosi. Una bella manera d’apre Bunifaziu à u Mediterraniu è tempu pè mette in risaltu i talenti di l’isula. Biglietti in vendita a sera di u cuncertu o nant’à reservation.bonifacio.fr