Dapoi 15 anni, Bastia Cità Digitale hè u più grande evenimentu numericu di Corsica. Pè festighjà st’anniversariu, i so rispunsevuli facenu evuluà a so identità. Dunque, tutte e manifestazione di l’evenimentu sò oramai addunite sott’à una bandera cumuna chjamata “A Settimana di u numericu per tutti”. Un’appellazione pè facilità ancu di più l’accessibilità di u numericu à tutt’ognunu è dinù l’ambizione d’addunì, nant’à una settimana sana, l’iniziative lucale è naziunale nant’à l’innuvazione, a subrietà numerica, u spiritu criticu è a creatività digitale.

- Sabbatu l’11 d’ottobre : a settimana principia cù una fiera di u materiale numericu d’occasione è attelli pratichi nant’à a subrietà numerica è l’Intelligenza Artificiale

- Da luni u 13 à u venneri 17 : i giovani seranu à l’onore cù attelli di scuperta creativi (robotica, video, design sunoru, grafismu, FabLab…)

- Marti u 14 è ghjovi u 16 : duie ghjurnate d’“Usina cù prugetti”, veri laburatorii d’idee.

- Mercuri u 15 : E Ghjurnate di Subrietà Numerica pruponenu masterclass, cunferenze è reunione pè cullettività, intraprese è associ.

- Venneri u 17 è sabbatu u 18 : i Scontri di u Spiritu Criticu cù attelli sculari, apperitivu-scontru, spettaculu è dibattiti publichi nant’à e meccaniche d’imprese è di disinfurmazione.

- Sabbatu u 18 :  a Lupinu Factory, grande chermessa numerica pè tutta a famiglia. Di sera, una serata électro in i giardini di u museu di Bastia. 

Di più infurmazione : https://www.ville-digitale.com/