Quist’annu u tema di u più anzianu festivale corsu serà “l’amore, l’amore, l’amore”. L’amore chì nasce, nascita di u sintimentu o cristallisazione sin’à un happy end. L’amore felice sempre. Hè previstu in particulare un omagiu à Claude Lelouch, cineastu di l’amore. U so filmu “Un homme et une femme” rialisatu in u 1966 hà ricevutu a palma d’oru in Cannes è dui oscar pè a passione amurosa ghjucata da Anouk Aimée è Jean-Louis Trintignant. Serà diffusatu stu capu d’opera in presenza di u so rialisadore. Serà diffusatu dinù u novu filmu di Lelouche intitulatu "Finalement (2024) cù Kad Merad, Elsa Zylberstein, Michel Boujenah. D'altrò, hà da esse dedicatu u libru “Le Cinéma c’est mieux que la vie” di Jean Ollé-Laprune, Claude Lelouch, Yves Alion. In stu librone truvemu più di vint’anni d’interviste cù Jean Ollé-Laprune è Yves Alion. Claude Lelouch conta a so carriera di prima trinca da u so primu filmu, Le Propre de l’homme rialisatu in u 1960 sin’à Finalement, u 51u.

Hè previstu dinù un dibattitu nant’à u tema : ciò ch’ellu ferma di i nostri amori ? animatu da Christophe Bourseiller. E oghje ghjornu, à chì ne simu di l’amore ? cù sei famosi invitati, giurnalisti, filosofi, sociologhi, sessulochi. Altri filmi d’amore seranu diffusati. A cumpetizione di u filmu, apppuntamentu maestru di l’innamurati di u cinema, serà l’occasione di cunfruntà 8 filmi novi. A cumpetizone di u Filmu Corsu permetterà à i rialisadori corsi di vince u premiu Arte Mare in a categuria finzione è documentariu. A cumpetizione di u filmu di scole di cinema mediterranie ghjova à sustene a giovana creazione. Un cinema chì si rinventa ogni ghjornu. Una finestra nant’à u Mediterraniu sanu. Averemu dinù tutti i filmi nanzu a so surtita ufficiale è i filmi per a giuventù cù e squadre rialisatrice. U Premiu Ulysse serà rimessu à Jérôme Ferrari. Infine, i prudutti corsi è mediterranni seranu à l’onore cù una mostra di i vini di Corsica.