Corsu
Francese
A Cumunità di cumune L'isula-Balagna è a municipalità di Santa Reparata di Balagna v’invitanu dumenica u 19 d’ottobre à 3 ore in sala Fratelli Vincenti, pè scopre a presentazione di a mostra di corta durata : « Pasquale Paoli è a furmazione di l'elite à u XVIIIu seculu » presentata da Isabelle Flores è creata da l’Università di Corsica. Un veru viaghju in core di u XVIIIu seculu corsu è un’altra manera di scopre à Pasquale Paoli. St’evucazione vi ferà ciuttà in a storia educativa di a Corsica è l’impurtanza pulitica è intellettuale di Paoli pè l’apertura di l’università. St’evenimentu serà dinù l’occasione di mette in risaltu u travagliu di ricerca è di mediazione rialisatu da e guide cunferenzeri.