L’evenimentu rivene piu forte chè mai dopu l’incendiu di u materiale di a casa rurale U Castagnu, organisadore di  fiera, di maghju scorsu. Trè ghjorni di castagne, di sapè fà isulani cun e donne è l’omi chì facenu sempre campà a ruralità corsa. Vulteranu i pruduttori baschi chì presenteranu u fegatu grassu, casgi, peverone d’Espelette. A fiera prumove ancu u bislinguismu cun a Ghjurnata di a Tramandera in cullaburazione cun u retturatu. Quasi 600 elevi scupreranu sfarenti attelli pè lià a lingua à ste stonde di cunniscenza prufonda di i nostri sapè fà è sapè esse. Attelli animati da u Parcu naturale regiunale di Corsica, U Mondu di u Porcu di Cuzzà, l’ecomuseu U Palazzu di Bucugnanu, u sindicatu AOP Farine de châtaigne corse – Farina castagnina corsa, I Farri di Mariu, l’ILOCC, l’Associu Fiuramossa, i sindicati di i cultellaghji corsi, AOC Oliu di Corsica, AOP Meli di Corsica o ancu Hélène Bonardi è Céline Vincent è l’Ateddi Conti Filati. Videranu per esempiu a fabricazione di u brocciu, di a pulenda… Ci serà un libracciolu di ghjocu, inchieste, percorsu di scuperta di u campu di fiera da ritirà à l’accolta. Infine, u venneri, i sculari puderanu visità u Mulinu di l’Orsu, cun iscrizzione sabbatu è dumenica.

U PRUGRAMMA

Venneri u 5 di dicembre :

A parte da 9 ore : Ghjurnata di a Tramandera

 10 ore : apertura à u publicu 

10 ore è mezu : u Sindicatu AOP Farina castagnina corsa vi ferà scopre stu pruduttu, e so qualità, caratteristiche. Tasterete nicci è arrustite. 

6 ore : Apperitivu d’inaugurazione

Sabbatu u 6 di dicembre :

9 ore : apertura à u publicu.

11ore : apertura di u spaziu di vini.

A parte da 11 ore è 7 ore : apertura di u risturante di a fiera cun pulenda è tianu di vitellu fattu da l’elevi di u LEP Finusellu.

9 ore : Cuncertu di Vitalba

Dumenica u 7 di dicembre

9 ore : apertura à u publicu

Listessa ora : Vendita di piantine di castagnu di 2 anni cun a Pepiniera Regiunale di Castellucciu

11ore : apertura di u spaziu di vini

A parte da 11 ore : apertura di u risturante di a fiera cun pulenda è tianu di vitellu fattu da l’elevi di u LEP Finusellu

3 ore è mezu : Cuncertu di a Scola di Cantu Natale Luciani

5 ore : Annunziu di i vincidori di u Cuncorsu Reginale di Farina Castagnina Corsa, pancone di u Sindicatu AOP Farina Castagnina Corsa 

6 ore : a tombula 

8 ore : chjuditura di a fiera