Natu in Merusaglia in u 1725, esiliatu cù u so babbu in Napuli à l’età di 14 anni, vultatu in Corsica à 29 anni, lundunianu toccu 44 anni pè un esiliu in duie parte sin’à a so morte à 82 anni. Una zitellina corsa, un’aduliscenza è una furmazione napulitana, una vita d’adultu corsu eppo inglese. Stu libru studieghja l’interessu di un’esistenza senza stabilità nè cunghjugale, nè famigliale, nè residenziale, sottumessa à e vicende di a pulitica di a so epuca.

Chì omu intimu si piatta daret’à l’eroe di l’indipendenza di a Corsica ? I so gusti, e so preferenze, e so amicizie, sperienze, punti di vista, credenze, talenti, filosufia di vita… fermanu tanti misteri per via di l’assenza di e so memorie. Ci hè quantunque a so currispundenza persunale è i ritratti di testimoni diretti pè schjarì e forze è e debulezze chì ammaniscenu u destinu straurdinariu di u Generale di i Corsi pè a pusterità.