Dumenica u 21 di dicembre, cum’è tutti l’anni nanz’à Natale in Erbaghjolu,  parechji duminii viticuli vi feranu tastà vini è i venderanu. Pè st’edizione, 26 vignaghjoli corsi seranu accumpagnati da una quindecina d’artigiani è pruduttori regiunali. Sta stonda di cunvivialità si face cù un metudu di tastatura semplice. I visitanti compranu un bichjeru à l’effigia di a ghjurnata custendu 5 euri è ponu percorre i sfarenti panconi di vignaghjoli.  

L’evenimentu si passa ind’un capitellu scaldatu di 250 m² cù parechji animatori. Un spaziu « varderia » hè previstu dinù pè i più giovani, cù sfarenti attelli creativi. Sopr’à locu, ci serà un spaziu di risturazione. A fiera accoglie associ caritativi, cum’è l’Associu Ghjuvan Francescu d’Altiani è La Marie-Do. Pierre Raphaël Bianchetti, maestru cantinaru, animerà sequenze di Master Class durante 45 minuti, presentendu l’uvizii è i secreti di tastatura. In fine di ghjurnata, versu 6 ore, a squadra organisatrice hà da serve à tutti una suppa nustrale pè una stonda di spartimentu è d’amicizia.