St’adattazione di u capi d’opera di William Shakespeare travaglia “Romeu è Giulietta” nant’à u tema di l’odii di tempi fà è d’oghje. Per quessa, Noël Casale è a so truppa anu pruvatu à imaginà è ghjucà ciò chì si passa dopu a fine di st’opera. U spettaculu presenta una veghja di notte chì addunisce a magiurità di i persunagi, vivi chì campanu cum’elli ponu è morti in a cappella di Frate Lurenzu pè pruvà à capì cumu giuvanotti ne ghjunghjenu à tazzassi è cumu giovani cum’è Romeu è Giulietta à tumbassi.

U rialisadore Noël Casale ghjustificheghja st’adattazione per via di a necessità di mette in leia u cuntestu d’odiu è di guerra civile in a Verona di Shakespeare cù l’odiu, a guerra è i novi fascismi à i ghjorni d’oghje. U sottutitulu “a guerra di i babbi ùn deverebbe passà à i zitelli” rimanda à un cuntestu corsu cù a speranza d’altre rialità suciale è pulitiche fora di l’isula. L’attori sò James Alliot, Agathe Arrighi, Pierre Chiarelli, Paule Combette, Francis Dias, Jacques Filippi, Pauline Orel, Pascale Pasqualini, Patrizia Poli, Alice Serfati è Xavier Tavera.

Riservazione nant’à https://bastia.notre-billetterie.com/