Di Bastia, sò i figlioli eccu i machjaghjoli. 90 anni, una vita assai longa chì hà sappiutu traversà l’epuche cù u stile musicale originale. Oghje ghjornu, a truppa di a vintina di membri di più di sessant’anni hà a listessa passione chè i primi ghjorni. U presidente di I Machjaghjoli hè Ernest Falloni. Cum’ella dice a canzona di Renaud, sò sempre vivi, sempre arritti. Facenu sempre e ripetizione in u lucale di u teatru Sant'Angelo u marti dopu meziornu. Nentru, e rise si sentenu quasi di più chè e chitarre è e manduline… A storia principia dunque in u 1935 à l’iniziativa di Joséphine Poggi pè a manifestazione chjamata l’olimpiade du folklore. Ciò ch’hà permessu à u gruppu di cantà in parechji paesi di u mondu. Sò stati ancu ricevuti da primi ministri, presidenti è rè. 

Fora di a lungevità, l’anima di u gruppu hè dinù a so identità visuale è musicale. L’omi anu u vestitu di i mulatteri d’Orezza di u XIXu seculu, e donne u custume tradiziunale feminile culuritu chì hè diventatu solu neru à a fine di u dicennovesimu seculu in segnu di dolu. Pè Ernest Falloni, u custume tradiziunale face a bellezza di u gruppu. U ripertoriu evucheghja a natura, i vechji mistieri, l’amore cù appena di macagna. Una chjama hè quantunque mandata pè rinnuvellà i membri. Dunque, e porte di u teatru Sant’Angelo fermanu aperte pè accoglie i novi. Ripetenu custì ogni marti dopu meziornu.