Una serata musicale di tradizione è di creazione cuntempuranea, 15 corsu Maglioli. Passiunatu di cantu dapoi l’aduliscenza, Marcu Biancarelli face i so primi passi à parte da u 1989 durante un attellu di cantu tradiziunale direttu da Ghjacumu Culioli. Toccu u 1990, participeghja à l’arrigistramentu d’un dischettu cunsacratu à i canti sacri di Pruprià, vicin’à parechje persunalità di u cantu isulanu. Qualchì annu più tardi, in u 1996, raghjunghje u gruppu Surghjenti, durante quasi ott’anni. Hà cantatu dinù cù u gruppu Cinqui Sò nant’à u dischettu Circà vita. 

Dopu à parechji anni di percorsu cullettivu, l’artistu franca una nova tappa cù u primu dischettu “A Musa” esciutu d’aprile 2025. Stu prugettu persunale hè natu grazia à a cullaburazione di Marco Bartoli, Sonia Moretti, Ghjacumu Culioli o Natali Valli. Nant’à a scena, Marcu Biancarelli serà accumpagnatu da Marco Bartoli à a batteria, Marco Perreira à a chitarra elettrica, Pierre Muscat sunendu a chitarra acustica, Alix Guglielmi à a bassa è Frédéric Berens à piano.

Riservazione : 04.95.22.31.56 o 06.40.87.87.85.