Sta canterina, parullaghja è cumpunitrice hè una di e riferenze frà a nova generazione d’artiste feminile isulane. Accumpagnendu l’esciuta d’un novu dischettu prevista à a fine di l’annu pè celebrà i dece anni di sta bella aventura musicale, Diana Saliceti è i so musicanti anu decisu di prupone à u publicu cuncerti evenimenti. Ci canterà e so più famose canzone (U Mo Paese, Aiò, Citadella…), è nove. In più, una scenugrafia nova hè prevista pè un cuncertu live intimistu, appuratu cù tanta emuzione in più. Diana Saliceti, una di e più belle voce di Corsica, chì hà sappiutu mette u so talentu à prò di una puesia, d’una lingua, d’una cultura è fattu entre a canzona corsa in u XXIu seculu denduli arditezza è mudernità ma mantenendu a so originalità. Pudite cumprà i biglietti nant’à https://billetterie-spaziu-culturale-carlu-rocchi.com/