Avemu quì una sintesi di a storia corsa, chì tutt’ognunu pò capì. Fora di a storia pulitica, u più spessu trattata, si parla di storia suciale, culturale è ecunomica pè dà a brama forse à u lettore di sapenne di più cù libri più specialisati. Una manera dinù di cumpensà a mancanza di storia corsa in l’insignamentu. A l’incuntrariu di ciò ch’omu crede, l’isula ùn era micca fora di u mondu, hè stata piuttostu à a crucivia d’ambizione di cunquistalla è d’una mansa di culture. 

Omancu sin’à u XIXu seculu, a so storia hè stata fatta d’ambizione, d’aversità, di cunflitti, d’invasione pè ragiò à quandu di geopulitica, di resistenza o d’affaccata di un sintimu naziunale. A pupulazione hà rispostu cù adattazione o resistenze. D’altrò, in stu libru, omu scopre ancu persunalità, cunnisciute o nò, è u so rolu in u destinu cumunu, à tempu cunnosce e particularità è dinamiche di u passatu isulanu, d’una terra di cuntrasti. Histoire de la Corse serà dedicatu venneri u 17 d’aprile à 5 ore è mezu à a brasseria La Causerie in Furiani.