Creatu in Corsica da un corsu, da Ghjuvà Lucchinacci, stu libru hè purtatu da a casa d’edizione “Le parti des oiseaux”. L’opera deverebbe esce à a fine d’aprile o à principiu di maghju. A tempu, s’appronta un altru manga “Last bloom”, scrittu è disegnatu da Jean-Laurent Marcia. L’autore face entre u lettore in un intrigu tragicu: una seria d’assassinii misteriosi in leia cù u mazzerismu. Dunque, l’ispirazione hè corsa ma i codici sò quelli di u manga. Ci hè un veru travagliu di scrittura. A traduzzione hè di Stéphane Conca. Pè accumpagnà l’esciuta di u libru, ci hè una cagnotta nant’à fr.ulule.com/manga-corse pè precumandà u libru. L’ogettivu hè di sicurisà e prime vendite, ma sustene dinù u sviluppu di a casa d’edizione. Cusì, ponu cuntinuà à fà prugetti. 

Eccu a storia di Sognus Mortalis : Quandu Santa hè trova morta in u so lettu, a so surella Maria ùn crede micca ch’ellu sia un accidente. Prestu prestu, scopre una verità piattata dapoi parechje generazione: certe persone ponu tumbà sunniendu. Maria, erede senza vulella d’un anzianu putere, si ritrova in core d’una guerra di mazzeri induve ogni notte pò esse l’ultima. Cusì, maschere rituale, simbuli sminticati, forze oscure vanu versu l’ogettivu misteriosu di a Surtita bramatu da tutti i Mazzeri.