L’associu ​​di Studii Storichi è Genealogichi di Munticellu, Avortica, invita u publicu à una cunferenza di u storicu Jean-Pierre Poli, autore di “Autonomistes Corses et irrédentisme fasciste”. L’occasione di rammentà una perioda cumplessa di a storia isulana, trà affirmazione naziunale è derive geopulitiche, è cù l’epupea di u giurnale “A Muvra”, fundata in u 1920 da Petru Rocca. Durante vint’anni, stu currente hà purtatu l’ambizione d’una Corsica ricunnisciuta cum’è vera nazione, ricca di a so lingua è di a so storia, luntana da u so statutu di dipartimentu francese. 

Si sta perioda fù marcata da a publicazione di numerosi libri in lingua corsa, fubbe dinù l’occasione pè i militanti di A Muvra di raccumandà un avvicinamentu culturale cù l’Italia ch’elli ghjustificavanu pè difende l’identità isulana. Una strategia cuntestata da l’opinione publica quandu Benito Mussolini hà vulsutu impadrunissi di a Corsica in u 1938. Cusì, durante sta cunferenza, Jean-Pierre Poli hà da presentà u racontu d’una “storia turmentata”.