U laburatoriu UMR 6240 LISA (Lochi, Identità, Spazii è Attività) di l’Università di Corsica Pasquale Paoli, organiseghja un seminariu in u quadru di u prugettu ResTourLingua (OHM 2025). Stu seminariu entre in u filu di i scambii cundutti cù parechji attori di u litturale corsu (riserva di Scandula, stagnu di Biguglia, Stella Mare). Ghjova à apprufundì a riflessione nant’à imbusche linguistiche è patrimuniale in leia cu i spazii turistichi litturali.

L’ogettivu di u prugettu ResTourLingua hè di splurà e cundizione di cursufunisazione di i spazii turistichi pè a rivitalisazione linguistica è di ridefinizione di e rilazione trà sucetà umane è ambiente litturale.

U seminariu hè fundatu nant’à assi di riflessione :

• Una lingua minurata pò abità un territoriu turisticu ?

• Chì impatti a glubalisazione hà nant’à i dispusitivi sociolinguistichi di i siti litturali ?

• Chì piazza pè a tupunimia è e pratiche linguistiche ind’a mediazione patrimuniale ? 

In stu scontru, participeranu attori istituziunali, gestiunarii di i siti, specialisti di e quistione linguistiche, tupunimiche è patrimuniale.