5 di maghju di u 1992, campu di ghjocu Armand Cesari di  Furiani à 8 ore è 20: ind’un trostu terribule di ferraglia, si sfonda a parte alta di a tribuna nordu. In stu mumentu u giurnalistu Didier Grassi, i so cunfratelli è tanti sustenidori, cascavanu da un’altezza di 17 metri. 

Anzianu giurnalistu di RCI, cunsiglieru municipale, Didier Grassi, 62 anni, hè l’autore d’un racontu forte è scarsu di 97 pagine chì l’incasci anderanu à u cullettivu di e vittime. L’opera serà dispunibule durante i prossimi evenimenti di cumemurazione. Avemu quì una testimunianza chì l’autore ùn hà pussutu sprime durante assai assai tempu. Ghjè a so sperienza persunale di a tragedia, nanzu è dopu, da u scumpientu à a ricustruzzione, di u cumbattu pè a memoria cullettiva. Una storia intima è un omagiu à tutte e vittime, à tutti chì scumbattenu contr’à u scordu.