Organisatu da a cumunità d’aglumerazione di Bastia, da u 4 à u 12 di maghju, hà sceltu cum’è tema : “Salute & salute mentale di e donne”. A u prugramma, filmi, documentari, reunione, attelli cù famosi invitati. St’edizione ùn hè micca solu un’edizione in più pè Emmanuelle de Gentili, vicipresidente di a CAB, incaricata di a cuesione suciale, di a citadinanza è di a pulitica di a cità : « ghjè un spaziu pè vede è capì, dà a parolla à quelle ch’ùn si vedenu, chì sò vulnerabile. Sti temi di a salute, di a salute mentale o di svantaghju sò illustrati da filmi, documentari, scontri, reunione. A manifestazione s’apre dinù à i sculari pè furmalli, parlà di i tabù. D’altrò, un travagliu hè fattu nanzu a manifestazione cù intervenanti specialisati. I giovani sò sensibilisati à l’ugualità trà omi è donne in a sucetà o à a salute feminile.

Sta quinta edizione si scumparte nant’à 4 ghjorni, da 4 à u 7 di maghju à u centru L’Alb’oru in Bastia, l’11 à u cinema U Paradisu in Furiani è u 12 à u Fogata in L’Isula. L’invitati sò Saveria Rojek, giurnalista pulitica, rialisatrice di documentari nant’à a maternità è a pultica, presentatrice di televisiò, scrittrice. Dopu, Matthias Savignac impegnatu nant’à e quistione d’educazione è di salute. Marlène Schiappa : anziana ministra di l’ugualità omi è donne in particulare, presidente d’« ACTIVES » chì porta l’iniziativa Next Women 40 pè feminisà a direzzione di e grande intraprese di u CAC 40. Cum’è ministra hà fattu lege nant’à l’allungamentu di a vacanza di paternità o a facilitazione di a cuntracezzione, contr’à u fastidiu di carrughju. Hà publicatu numerosi libri nant’à u sugettu, frà elli « Nos si petites ambitions », « La Machosphère » o « Votre santé a un sexe » scrittu cù Matthias Savignac. Infine, Mélissa Theuriau, giurnalista, animatrice è pruduttrice. Pruduce documenti sucetali, documentari nant’à e donne è hè impegnata in sfarenti associ sustenendu l’educazione di e giovane.