Cum’è tutti l’anni, venneri l’8 di maghju, l'associu « Ricordu di Ponte Novu » chjama à addunissi pè cumemurà a battaglia storica di u 1769. Fundata nant’à a trasmissione di a Storia è u duvere di memoria, sta ghjurnata serà un omagiu sulenne à i patriotti corsi cascati pè a libertà. U prugramma si scumparte nant’à trè stonde maiò. 

• 2 ore : u publicu puderà assiste à una cunferenza di Pierre-François Marchiani, nant’à « Trà catolicità è storia : Ponte novu un pelerinaghju corsu ».

• 5 ore : messa in lingua corsa, prucessione sulenne cù l’associu I Naziunali è sfarente cunfraterne.

• 7 ore : veghja nustrale cù vitellu arrustitu vicin’à u ponte. 

In u spiritu di i versi impruvisati da Michel Federici in u 2001, ramentendu chì stu ghjornu hè un  « dolu naziunale » à u pede di u memuriale, l'associu « Ricordu di Ponte Novu » invita a pupulazione à participà à sta dimarchja di memoria tenendu sempre à mente : « O Corsu, ùn ti scurdà di a to storia ! ».