Invitati :

Véronique BERTILE, maestra di cunferenza di l’Università di Bordeaux, custituzionalista.

Paul MOLAC, diputatu di u Morbihan, autore di a pruposta di lege vutata in 2021 nant’à « a prutezzione patrimuniale di e lingue regiunale è a so prumuzione ».

Romain COLONNA, presidente di a cummissione di l’Affari custituziunali di l’Assemblea di Corsica

Paulu-Santu PARIGI, senatore di Cismonte

Peio JORAJURIA, Euskal Confederazioa (tbc).

À tempu chì a quistione corsa volta inde l’attualità parlementaria, cum’ellu s’era ingagiatu u guvernu in u quadru di u prucessu Beauvau, si pone a quistione di a mudificazione custituziunale ch’ella abbisogna a lingua corsa, è e lingue regiunale in generale, da ch’elle sianu ristabilite in i so dritti. Frà e quistioni chì seranu dibattute :
– A riforma custituziunale prevista da l’accordu di Beauvau, s’ella era aduprata, aprerà a via à una generalisazione di a lingua corsa è à u so insignamentu immersivu ?
– Chì lotta ci vole à cunduce da chì a Francia ùn si chjodi in un'andatura linguicidia contr’à e so lingue regiunale ?