Corsu
Francese
Sabbatu u 13 di ghjugnu, u discu d’oru Curagiu d’I Muvrini serà vendutu à l’asta, in modu caritativu, à prò d’UMANI pè una Fundazione di Corsica cù l’aiutu preziosu di u stimadore Vincent Bronzini de Caraffa. A vendita si ferà à l’usteria Ostella, 17 carrughju di u Maresciale Juin in Bastia. Tutti i lotti di a vendita seranu sposti l’11 è 12 di ghjugnu à l’Ostella. U discu d’oru Curagiu serà vendutu à duie ore. A messa à primu prezzu hè di 3000 €. Tutt’ognunu puderà participà à a vendita in presenziale à l'Ostella o nant’à internet Drouot-Live dopu à iscrizzione (vede in u catalogu nant’à u situ). Pudite digià iscrivevi è/o dipusità un ordine : un ordine di compra fissa u prezzu massimu ch’è vo site prontu à pagà pè un lottu. Ghjè un’obligazione di cumprà sì l’asta hè vinta in sta limita.