Duie ghjurnate pè ritruvassi, celebrà, riflette, capì… pè primurassi di l’umani è di u vivu.  

Prima ghjurnata : sabbatu l’11 di lugliu, assemblea generale ordinaria d’UMANI à u liceu agriculu di U Borgu à 10 ore di mane, aperta à tutti. Pè accoglie a nostra AG, un locu emblematicu chì rispechja i nostri valori : ecolugia umana è ambientale, autonomia alimentare, arradichera territuriale. À u prugramma : raporti murale è finanziariu, apprubazione di i conti... Solu i membri à ghjornu di a so cutisazione puderanu vutà. Dopu à l'AG, un pranzu appruntatu da e Donne Mediterranie Unite (participazione libera) è visita di a pepiniera labellisata Corsica Grana, di a cullezzione d’agrumi, di e vitrere di fruttaghji lucali. 

Seconda ghjurnata : dumenica u 12 : cunferenza pè capì i traumatismi à u Parcu Galea à 6 ore, entrata di rigalu

Dui intervenanti di prima trinca :

▸ Vincent Girard, psichiatru è cercadore in salute publica: « U traumatismu : chì effettu nant’à a nostra vita, e nostre sucetà ? Chì risposta scientifica è citadina ? 

▸ Jean-François Bernardini, I MUVRINI- UMANI : « Corsica – Francia : una rilazione splusiva. Ci serà una ragiò ? » Una cunferenza-dibattitu aperta à tutte è tutti, pè capì megliu ciò chì ci traversa, in modu individuale è cullettivu. Pensate à cunfirmà a vostra presenza è à riservà u vostru pranzu à l’AG  nant’à  afc@afcumani.org o à u 06 18 48 32 52