Hè stata presentata in Moriani in u quadru di cumemurazione ramentendu u locu induve Pasquale Paoli hè partuta in esiliu versu Napuli cù u so babbu in u 1739. Cusì, diversi documenti nant’à u capu generale di a patria seranu dispunibuli pè ogni elevu da a scola materna à l’università. L’opera hè stata presentata da a merria di San Niculaiu, a CDC, Scola in festa è u retturatu sott’à u sguardu di u memuriale Pasquale Paoli davant’à u mare.

U publicu hà pussutu scopre u dischettu single “Cumu parlà”, una canzona originale scritta da Ghjacumu Fusina è Felì Travaglini. Stu single derà accessu à una malletta pedagogica via un QR codice. U scopu hè dinù di prulungà e cummemurazione di i 300 anni di Pasquale Paoli, celebrate l’annu scorsu. A canzona arrigistrata ind’è Scola in festa, serà distribuita à a prossima rientrata sculare à più di 60 000 elevi di Corsica. A Cullettività di Corsica l’hà finanzata pè un bugettu di più o menu 30 000 euri. U centru d’arte pulifonicu di Sartè hè partenariu dinù di u prugettu. Ci truvemu fotografie e video nant’à u lessicu di sta canzona chì hè stata tradutta in francese, ghjochi cum’è u ghjocu di i sette sbaglii, un puzzle di parolle à frastaglià è à fà ricustituì à l’elevi, accordi di musica, partizione pè piano è viulinu, illustrazione culurite, karaoké è documenti nant’à a storia paolista. Pè prusegue e cumemurazione, cunferenze di Philippe Guglielmi è Eric Micelli, date à l'anfiteatru di l'uffiziu di turismu di a Costa Verde, sò state organisate nant'à a partenza in esiliu è u ritornu in Corsica di Paoli.