Difatti, a nostra isula hè stata sempre un’imbusca strategica, una crucivia di scambii cumerciali è culturali trà e diverse civilisazione mediterranie. 

A furmazione di i sapienti corsi hè stata orientata pè u più versu l’Italia fundata nant’à una pedagugia ecclesiastica in leia cù un plurilinguismu mediterraniu (latinu, corsu, talianu, francese). U patrimoniu culturale corsu hè stu mischju unicu di cultura lucale è di quelle di sti populi mediteranii. Cusì, sta ghjurnata di l’associu Mursiglia patrimoniu vole studià i scambii culturali è e so influenze mutuale in i duminii di l’educazione, di a litteratura, a lingua, a puesia, l’arte pitturale, a musica…

• 8 ore è mezu : Accolta di i participanti

• 9 ore è quartu : apertura di a quinta ghjurnata storica cù Claude Baudu, presidente di l’associu “Mursiglia Patrimoniu”, Jean-Christophe Liccia, presidente di l’associu Petre Scritte.

• 10 ore : cunferenza d’Eugène Gherardi, Prufessore di l’università, Università di Corsica – Pasquale Paoli, UMR CNRS 6240 LISA. « L’educazione di i giovani Corsi à i XVIIIu è  XIXu seculi : evuluzione di e strutture educative, trasfurmazione linguistiche è culturale, lascita taliana è nuvità francese ».

• 11 ore : Stella Medori, Maestra di cunferenze HDR in Scienze di u Linguaghju, Università di Corsica. « A Corsica in a fiumara di a lingua ».

• 11 ore è mezu : Pauline Fabiani, agregata di lettere muderne, assistente d’insignamentu è di ricerca à l’università :  « Un « petrarchismu » europeu, mediterraniu…corsu ? » Rimanda quì à u puetu talianu Petrarca di u 14u seculu è a so influenza pussibule nant’à a puesia corsa.

• 3 ore : Michel Edouard Nigaglioni. Anzianu direttore di u Patrimoniu di Bastia. Cercadore à u Serviziu regiunale di l’Inventariu (Cullettività di Corsica). «Pittori d’Italia cuntinentale à u serviziu di i Corsi, à i 17u è 18u seculi ».

• 3 ore è mezu : Jean Christophe Liccia. Storicu è presidente di l’associu Petre Scritte. « Musicanti, artisti lirichi, attori è ballarini strangeri in Corsica (XVIIu-XVIIIu seculi).                                             

• 4 ore : Michel Vergé-Franceschi, Prufessore emeritu di l’Università. « A brama d’amparà di i Corsi sempre presente in Corsica à parte da u 1286 ».

• 17h00 : Cunclusione di a ghjurnata cù Claude Baudu, presidente di l’Associu Morsiglia Patrimoniu.

• 5 ore è mezu : Dediche di i libri di i cunferenzeri.